Нисдэг Голландчууд талбайдаа хожигдож, Албаничууд шуугиан тарив.
Ирэх жил Герман Улсад болох “Евро-2024” тэмцээний Европын бүсийн 7-р тойргийн тоглолтууд ид дундаа үргэлжилж байна. Энэ тойргийн онцлох тоглолтуудаас тоймловол дэлхийн медальтнууд хоорондоо тулж, Турк 1:0 Хорватыг, тивийн аварга Грек 2:0 Ирландыг, дэлхий ба Европын аварга Франц 2:1 Голландыг, Бельги 3:2 Австрийг тус тус талбайд нь буулгаж авсан бол дэлхий Европын аварга Испани 2:0 Шотландыг, Португал 3:2 Словакыг нутагтаа нуга дарав. Албанийн шигшээ хүртэл айхтар тоглолтыг үзүүлж, Тиран нийслэлдээ цагтаа Европын аварга цолыг хүртэж явсан Чехийн хүчихэг багийг баллаж орхин, жинхэнэ шуугиан тарьцгаав. Энэ тойргийн үлдсэн 6 тоглолтоос Унгар-Сербийн учраа олны анхаарлыг татаж байна.
