Жүдочид хос хүрэл медаль авлаа
Азийн зуны спортын пара наадмын жүдо бөхийн төрөлд үндэсний шигшээ багийн дасгалжуулагч Б.Нарантуяагийн удирдлага дор манай улсын таван бөх татамид гарснаас эмэгтэйчүүдийн 70 кг-ын жинд ДАШТ-ий мөнгөн медальт Л.Туруунаа, эрэгтэйчүүдийн 90 кг-ын жинд Б.Баттөгс нар хүрэл медалийн төлөө барилдаж, медалийн тавцанд зогсож чадлаа. Л.Туруунаа Энэтхэгийн бөхийг цэвэр ялсан бол Б.Баттөгс Узбекстаны тамирчныг вазари үнэлгээгээр ялав.
