Идэрийн цуурай бөхийн дэвжээний нээлтийн барилдаан энэ ням гаригт болно
Хөвсгөл аймгийн Шинэ -Идэр сумын харъяат, улсын начин Бадамсамбуугийн Ганхуягийн үүсгэн байгуулсан “Идэрийн цуурай” бөхийн дэвжээний нээлтэнд зориулсан сумын цолтон, залуу бөхчүүдийн барилдаан энэ ням гаригт “Аварга” дээд сургуулийн үндэсний бөхийн зааланд болох гэж байна. Барилдааныг Улаанбаатар хот дох Шинэ -Идэр сумын нутгийн зөвлөл ивээн тэтгэн хамтран зохион байгуулна. Барилдааны үеэр “Уран барилдаан”-ны болон оролцогч бөхчүүдээс “Азтай оролцогч”-ийг шалгаруулах аж.
Монгол Улсын өнцөг булан бүрээс цугласан шижигнэсэн залуус “Идэрийн цуурай” үндэсний бөхийн дэвжээнд харъяалагдан хичээллэж, үндэсний өв уламжлалаа дээдлэн, монгол бөхөө хөгжүүлэх үйлсэд хамтдаа зүтгэцгээж байна. Хийморь дүүрэн залуусын эхлүүлсэн бүхэн нь дэвжин өрнөж, хүч чадал ид хаваа гайхуулсан олон олон хүчтэн төрөн гарах болтугай.
Барилдааны талаарх лайв Бичлэг үзэх
