Нэтком клубын дартсчид Улсын аваргад онцгой амжилт үзүүлэв
2024 оны дартсын УАШТ-д оролцсон баг тамирчдаас Нэтком клубын тамирчид онцгой байж, 5 төрөл, 9 ангиллын дөрөвт нь түрүүлжээ. 130 гаруй тамирчдын бүрэлдхүүнтэй тус багаас насанд хүрэгчдийн эрэгтэйчүүдийн ганцаарчилсан ангилалд Ө.Жаргалсайхан түрүүлсэн бол ахмадад ОУХМ, улсын аварга Ц.Баатархуяг, Д.Төмөрбаатар нар алт, мөнгөн медаль хүртэцгээв. Өсвөрийн хөвгүүдийн ангилалд М.Тэлмэн, О.Маргад нар алт, хүрэл медаль, охидын ангилалд Ц.Эгшиглэн аваргын алтан медалийн эзэн болов. Харин багийн төрөлд Б.Давааням, С.Намхайсүрэн, М.Батцэцэг нарын бүрэлдэхүүнтэй баг хүрэл медалиар энгэрээ мялааж, клубээрээ 4 алт, 1 мөнгө, 2 хүрэл медаль түүсэн ховорхон амжилтыг тэд үзүүлсэн байна.
