Одон бөмбөгчид Сэлэнгэд чуулав

Спортын мастер, дасгалжуулагч багш Н.Дагва агсны нэрэмжит 21 аймгийн аварга шалгаруулах ширээний теннисний тэмцээн Сэлэнгэ аймагт болж байна. Аймгийн Засаг даргын тамгын газар, Биеийн тамир спортын газар, Монголын ширээний теннисний холбоо, Сэлэнгэ аймгийн ширээний теннисний “Соёмбо” холбоо, Н.Дагва агсны гэр бүл, үр хүүхдүүд хамтран зохион байгуулж байгаа энэхүү тэмцээнд 15 аймгийн 270 гаруй тамирчид хүрэлцэн иржээ.