Сумын заан Б.Цогт Алдарын цомыг өргөлөө
БХЯ-ны харьяа цэргийн гавьяаны улаан тугийн одонт “Алдар” спорт хорооноос сар бүр уламжлал болгон тогтмол зохион байгуулдаг “АЛДАРЫН ЦОМ ” үндэсний бөхийн шилжин явах цомын төлөөх 23 дах удаагийн барилдаан сумын цолтой болон залуу бөхчүүдийн дунд зохион байгуулагдаж, сугалаагаар 3 үе шаттай тойргийн журмаар барилдсанаас Төв аймгийн Дэлгэрхаан сумын харъяат, “Дүнжингарав” дэвжээний бөх сумын заан Батсүхийн Цогт түрүүлэн, Өвөрхангай аймгийн Хархорин сумын харъяат, “Их Монголын хүчтэн” дэвжээний залуу бөх Гансүхийн Мөнх-Ёндон үзүүрлэв. Хүрэл медалийн эздээр Дундговь аймгийн Эрдэнэдалай сумын харъяат, “Алдар” спорт хорооны бөх, сумын заан Хүүхэнбаатарын Чойжилсүрэн, Ховд аймгийн Манхан сумын харъяат, “Ховд” дэвжээ, “Аварга” БТДС-н бөх, сумын заан Гончигсүрэнгийн Батзориг нар тодорчээ. Ингээд 5-12- байрт шалгарсан бөхчүүдийг танилцуулбал :
5. Баянхонгор аймаг Бууцагаан сум, “Хилчин” спорт хорооны бөх, сумын заан М.Сумъяабазар
6. Ховд аймаг Мөст сум, “Ховд” дэвжээ, “Алдар” спорт хорооны бөх, сумын заан О.Чадалбат
7. Өвөрхангай аймгийн Хархорин сум, “Их Монголын хүчтэн” дэвжээний бөх, сумын заан н.Сундуйжадамба
8. Завхан аймгийн Цэцэн-Уул сум, “Завхан” дэвжээний бөх, сумын заан Д.Нямдаваа
9. Өвөрхангай аймгийн Баруунбаян-Улаан сум, “Их Монголын хүчтэн дэвжээ”, “Радиатор сервис” ХХК-ны бөх, сумын заан Д.Сумьяабазар
10. Хэнтий аймгийн Өмнөдэлгэр сум, Зэвсэгт хүчний 0232-р анги , “Хан Хэнтийн аварга” дэвжээний бөх, сумын заан Д.Отгонбаяр
11. Архангай аймгийн Цэнхэр сум, “Бөх билэгт” дэвжээний бөх, сумын заан М.Мандахбаяр
12. Хэнтий аймгийн Өмнөдэлгэр сум, “Хан Хэнтийн аварга” дэвжээний бөх, сумын заан О.Ихбаяр
АМЖИЛТЫН ТӨЛӨӨ АЛДАРЫНХАН ХАМТДАА
