Эхний зорилго Гуамын шигшээ багийг талбайдаа заавал хожих!

Сагсан бөмбөгийн 2025 оны ААШТ-ий шигшээд шалгарах 16 багийг тодруулах сүүлийн шатны сонгон шалгаруулах тэмцээн энэ сарын 22-ны өдөр эхлэх гэж байна. 24 баг дөрөв дөрвөөрөө 6 хэсэгт хуваагдсан. Монголын шигшээ баг/ФИБА чансаа 100/ С хэсэгт БНХАУ/ФИБА чансаа 29/, Гуам/ ФИБА чансаа 76/, Япон/ФИБА чансаа 26/-ы шигшээ багуудтай оноолт таарсан.  Хэсэг тус бүрт багууд хоорондоо өөрийн болон айлын талбайд нийт 6 тоглолт хийнэ. Хэсэг бүрээс эхний 2 баг буюу нийт 12 баг шууд шалгарах бол хэсэгтээ гуравт бичигдсэн 6 баг дахин гурав, гурваараа 2 хэсэг болон хоорондоо тоглож, 4 баг нь нэмж эрхээ авна. Дээр нь Азийн аваргын шигшээд шалгарсан 16 шилдэг баг 2027 оны ДАШТ-ий Qualifier-т тоглох эрхээ шууд авна. Ийм л учраас манай баг Гуамын багтай үхэх сэхэхээ үзэх, боломжийг тултал ашиглах, хүндээс хүнд тоглолт хийх болоод байна. Бид эхлээд 2-р сарын 22 нд Хятадын багийн талбайд зочлох ба дараагийн тоглолтоо ердөө 3 хоногийн дараа төрөлх нийслэлдээ, UG Арена ордонд мөнхийн өрсөлдөгч Гуамын багтай халз тулна. Энэ 2 тоглолтын ард гарчихад 11-р сар хүртэл түр амсхийгээд дараагийн тулаандаа орно. Ингээд багийн бүрэлдэхүүнийг танилцуулъя. Дундаж нас 26. Дундаж өндөр 192.6 см.

1. Онолбаатарын Энхбаатар. Нас 28 , биеийн өндөр 197 см /Төвийн тоглогч/ 2. Амарбаясгалангийн Энхбаясгалан 26 , 195 см /Довтлогч/ 3. Ариунболдын Тэмүүжин 32, 195 см /Довтлогч/